Guretzat oso garrantzitsua da euskal gizarteak Sail honen barne-errealitatea eta etxebizitzaren arloan egun arte garatu dugun eta etorkizunean garatu nahi dugun politikari buruzko guztia zuzenean ezagutu ahal izatea.

Atari hau gure aurrekontu-baliabideen erabilera ahalik eta modurik eraginkor eta gardenean azaltzeko tresna bat izatea nahi dugu.

Halaber, Etxebizitzen Euskal Zerbitzua – Etxebide hobeto ezagutu dezazun nahi dugu: noiz, nola eta zertarako sortu zen, nolako bilakaera izan duen, egun eskaintzen dituen zerbitzuak zertan datzan eta abar.

Sail honek etxebizitzaren arloan betetzen duen zereginaren berri emateko asmoz, hemendik aurrera ahalegin guztiak egingo ditugu gai honen inguruan gertatzen diren albisterik garrantzitsuenak garaiz jaso ditzazuen.